Aurreko bi edizioek izandako arrakastaren ondoren, jasotako lanen kopuruari eta kalitateari dagokionez, gure lehiaketaren hirugarren ediziorako deialdia zabaltzen dugu.
Lehiaketaren oinarriak
Ezer baino lehen, lehiaketa hau zein testuinguruan garatzen den eta epaimahaiak aintzat hartuko dituen lanen ezaugarriak argitzeko asmoz, hurrengo post-a irakurtzera gonbidatzen zaituztegu.
1. Adin nagusiko eta edozein nazionalitateko edozein pertsonak parte hartu ahal izango du, bi modalitateetan (kontakizun laburra edo eleberria) eta edozein kategoriatan (euskaraz edo gaztelaniaz). Ondorioz, lehiakideak nahi adina lanekin parte hartu ahal izango du.
2. Lanek originalak eta argitaragabeak izan beharko dute, eta egileak horren fede emango du, obrak lehiaketara bidaltzeko formularioan jasotako parte hartzeko baldintzak onartuz.
3. Obra lehiaketa honetara aurkeztu ondoren edozelako hedabiden bidez zabaltzen edota publikoki argitaratzen bada, egileak emailez edo telefonoz antolatzaileari jakinarazi beharko dio.
4. Idazkiak ipuin kategorian gehienez 50 orri izango ditu eta eleberrian gehienez 350 orri, DIN A-4 formatuan eta Times New Roman tipografian, 12. gorputzean, eta 1,5eko lerroartea.
5. Egileak bere datu pertsonalak eta harremanetarako datuak eman beharko ditu, eta bere obraren PDFa erantsi beharko du behean agertzen dan hartzeko formularioan. PDFan ez da egilearen datu pertsonalik azalduko, eta PDFan lehiaketarako idatzia bera eta haren izenburua bakarrik agertu beharko dira.
6. Lanak aurkezteko epea 2026eko urtarrilaren 31n amaituko da, 23:59an. Parte hartzeko behean agertzen dan formularioaren bidez obra lehiaketara bidaltzeko unean. Web-zerbitzariak jasotze-data eta ordua idatziko ditu; goian adierazitako epearen aurreko data eta orduaren marka duten bidalketak bakarrik onartuko dira lehiaketara.
7. Lehiaketaren emaitza zehaztuko duen epaimahaia literatur munduko pertsonek osatuko dute. Epaimahaiak bere irizpidearen arabera aukeratuko ditu merezi duten lanak, eta sari guztiak eman gabe utzi ahal izango ditu. Epaimahaiak lehiaketaren oinarriak interpretatu ahal izango ditu, beharrezkoa izanez gero.
8. Antolatzaileek epaimahaiko kideek epaia eman baino lehen lehiakideen nortasuna ezin izango dutela ezagutu bermatuko dute.
9. Epaia sare sozialetan eta erakundearen webgunean (https://www.berez-haziku.eus) jakinaraziko da.
10. Sariak:
10.1: Elaberria:
10.1-1: 350 €-ko sari gordina (1) eta liburua inprimatutako formatuan argitaratzea, liburuaren publikoarentzako salmenta-prezioaren % 7ko eskubideak kobratzeko kontratuarekin (2).
Lanak euskaraz edo gaztelaniaz idatz daitezke.
10.2: Kontakizun laburra:
10.2-1: Bi sari, IE1 eta IG1, gure blogean www.berez-haziku.eus argitaratzea eta eskubideak kobratzeko kontratu batekin inprimatutako liburuaren formatuan argitaratzeko aukera, argitalpenean biltzen diren egileen kopuruaren arabera, publikoarentzako salmenta-prezioaren (3) % 3 eta %6 artean.
Lanen kalitatearen arabera, epaimahaiak lehiaketa honetan jasotako sariren bat edo guztiak eman gabe utzi ahal izango ditu. Diru-zenbatekoak indarrean dauden zerga-legeen arabera egokiak diren zerga-atxikipenen mende egongo dira (4).
Saria: www.berez-haziku.eus argitaratzea edo liburu formatuan argitaratzeko aukera. Liburu formatuan argitaratzen baldin bada, egilearen eskubideak kobratzeko publikoarentzako salmenta-prezioaren % 3ko kontratuarekin (2).
Lanen kalitatearen arabera, epaimahaiak lehiaketa honetan jasotako sariren bat edo guztiak eman gabe utzi ahal izango ditu. Diru-zenbatekoak indarrean dauden zerga-legeen arabera egokiak diren zerga-atxikipenen mende egongo dira (3).
11. Antolatzaileak beretzat gordetzen du saritutako lanak ustiatzeko eskubidea, 10.1 eta 10.2 puntuetan deskribatutako moduan, eta, horretarako, egileak onartu egiten du:
Antolatzailearen esku uztea saritutako lanak jasotzen dituzten edizioak argitaratzeko, banatzeko eta saltzeko beharrezkoak diren ekintzak lortzea, geografia-mugarik gabe eta dagozkion legeek ezarritako gehieneko epeen arabera, eta erakundeak 10. puntuan hartutako konpromisoen arabera.
Antolakuntzari, behar izanez gero, bere kontura edo hirugarrenen kontura, saritutako obra edo obrak barne hartzen dituen edizio komertziala aurrera eramateko beharrezkoak diren erabakiak hartzeko eskubidea ematea,
12. Lehiaketa honetan parte hartzeak oinarri hauetan jasotako baldintzak onartzea dakar. Oinarri hauetan jasota ez dagoena, eta lehiaketa honetako aurreikusi gabeko alderdiren bat a posteriori konpontzeko beharrezkoa bada, antolakuntzak xedatuko du, eta egileak ezin izango ditu aurkaratu horrela sortutako xedapen berriak, ez eta xedapen horren ondoriozko epaimahaiaren epaia ere. Hala erabaki dute berariaz egileek eta erakundeak, oinarri horiek onartuz.
Bidalketa prozedura
Hurrengo galdetegia erantzuetean lehiaketara bidaltzen duenak bere gain hartzen du parte-hartzea, eta berekin dakar aldez aurretik lehiaketari buruzko informazioa irakurtzea eta puntu hauek onartzea:
A- ONARTZEN DITUT «III. amodiozko literatura eta literatura erotikoaren lehiaketa «, orrialde honen hasieran ikusgai.
B- ONARTZEN DUT lehiaketan parte hartzeko lehiakide-erregistro bat sortzea, eta nire obra, PDF formatuan, erakundearen web-zerbitzarian igotzea eta ostatatzea.
GARRANTZITSUA: PDF formatuko fitxategiak bakarrik eranstea, 2 Mb baino gutxiagoko pisuarekin (2000 kb). Gogoratu aurkeztutako lanaren PDFan ez dela agertu behar ez izen-abizenik ez datu pertsonalik, lehiaketara aurkeztutako lanaren izenburua besterik ez. Inprimaki honetan fitxategi bakarra igo daiteke aldi berean; obra bat baino gehiago bidali nahi baduzu lehiaketara, bidalketa desberdinak egin beharko dituzu.
«FITXATEGIA KARGATU….» botoia sakatutakoan mezu bat jasoko duzu; mezu hori jaso ezean, jar zaitez gurekin harremanetan telefonoz edo posta elektronikoz.
Formulario honetan jasotako datuak lehiaketan parte hartzen dutenen erregistro bati alta emateko baino ez dira erabiliko, eta legeak ezarritako baldintzen arabera zaindu eta kudeatuko dira. Gure pribatutasun-politika kontsulta dezakezu.
(1) Duru hori egile-eskubideen aurrerapen gisa eta nahiz eta azkenean egile-eskubideen etekinaren kopurua txikiago izan, erakundeak ezin izango du zenbateko hori erreklamatu.
(2) Saritutako egilearen eta erakundearen arteko aparteko kontratu pribatu bidez formalizatua. Erakunde horretan, besteak beste, argitalpen-data, ale-kopurua, egile-eskubideengatiko mozkinen likidazio-epeak eta abar hartuko dira kontuan.
(3) Saritutako kontakizunaren edo kontakizunen argitalpena, bai liburuki batean, bai saritutako beste batzuekin edo une honetan zehaztu gabeko beste kontakizun batzuekin batera, aparteko kontratu pribatu baten bidez formalizatuko da saritutako egilearen eta erakundearen artean.
(4) Estatu espainiarrean bizi diren eta bizi ez diren pertsona fisikoen errentaren gaineko zergak, Estatuko ogasunaren edo gobernu autonomoetako ogasunen bidez bildutakoak.